فیطوغرافی — آلت مخصوصه واسطه+سیله جام اوزرینه
عكس ایتدیریلان مرئیاتی اجزای كیمیویه معاونتیله مثبت بر حاله كتوردكدن
صكره كاغده نقل ایتمكه اطلاق اولنور و اجسام معكوسە+نك منفیسی جام
لوحه اولوب عكس آنك اوزرنده استحصال اولندیغندن لوحه+دە+كی رسمه (نغاتیف) یعنی منفی و كاغد اوزرنده اولان رسمه (پوزیتیف) یعنی مثبت
دنیلور. بو فنده اك برنجی آلت (شامبر نوار) یعنی بیت مظلم دنیلان
آلتدركه اوكنده اولان دوربین رسمی آلنەجق اجسامه مقابل طوتلدقده
اجسام مزبوره دروننده اولان بوزلی جام اوزرینه عكس ایدر و بو جامك
یرینه ضیانك تأثیریله تغیر ایتمك خاصه+سنه مالك اولان بر نوع اجزای مركبه
ایله مستور دیكر بر شفاف جام وضع اولندیغی حالده اجسام معكوسە+نك
ضیادار اولان محللری سیاه و اولمیان یرلری حالیله بیاض قالمغله مرئیسات
بو وجهله جام اوزرنده ترسم و تقرر ایلر
بو صنعت (۱۸۲۹ م و ۱۲۴۵ ه) تاریخنده فرانسه+لی (داکر) نام هنرور
معرفتیله ایجاد و بر مدت كموش قاپلمه لوحە+لر اوزرینه ترسیم اولنوب مؤخراً
انكلتره+لی (فوقس تالبو) نام كمسنه قلورلی و حسلی كاغد اوزرینه چیقارلمسنی
و فرانسه+لی (نیسه فورنیس) قلودیون یاخود آلبومینلی جام اوزرینه چیقارلمسنی
بولمش و دها صكرە+لری ارباب فن مرئیات معكوسەیی ینه عكس ضیا
واسطەسیله بیولتمك كبی بعض اختراعاتله توسیع ایلمشدر
مرئیاتك خیالنی آلتك بوزلی جامی اوزرینه عكس ایتدیرمك ایچون استعمال
اولنان پرنجدن معمول دوربینه (ابجلتیف) دیرلر و بو دخی بعضاً تك
جاملی و بعضاً چفت جاملی اولوب تك جاملی ایله كوی رسملری و چفت
جاملی ایله انسان و حیوان رسملری الورلر. اجزالری (مبلر آزوتیت فضه)
و (تحت كبریتیت سوده) و (فطن باروت) و (حامض آزوت) و (اسپیرتو)
و (حامض حل) و (مازی) كبی شیلردن عبارتدر