فیثاغورس — یونان فیلسوفلرندندر (۴۸۹۶ خ) تاریخنده
یعنی میلادك التی یوز سكز سنه مقدمنده سیسام اطه+سنده تولد ایلدی باشلیجه
تحصیلی صور و مصر شهرلرنده وقوعیولوب صكره ایتالیایه عزیمتله (قورتون)ده توطن ایتمش و اوراده ایتالیان مكتبی نامیله معروف بر یكی
مكتب تأسیس ایدرك آز مدت ظرفنده بر چوق شاكرد طوپلامشدر.
فیثاغورس طلبه+سنی بش سنه تكلمدن منع و قناعت طریق ایله امتحان ایدر
ایدی. صورت وفاتی حقنده تفصیلات اولمیوب شوقدركه نفوذندن
قورقان بعض ایتالیان غدارلری طرفندن یاخود حكومت اعیانی ترجیحنه
بناء حكومت عوام طرفدارلری جانبندن بر عربده+ده تلف ایدلدیكی ظن
اولنور. تاریخ وفاتی (٥٠٨٥ خ) تاریخنده یعنی میلادك بشیوز طقوز سنه
مقدمنده+در. فیثاغورس محبلرینك ویرمش اولدقلری (سوفوس) یعنی
عقللی نامی یرینه اك زیاده مقرون ادب اولان فیلسوف نامنی آلمشیدی
زماننده معروف اولان جمیع علوم و فنونی جامع اولوب باخصوص علم حساب
هندسه نجوم و موسیقی كبی علوم ریاضیه+یی لایقیله تحصیل ایتمشدر
و فنونجه كشفیات عدیده+سی واردر مناسبات حسابیه+ده ملاحظات
متوالیە+سی كندوسنی بر اصول عمومی+یه ایصال ایلمك حسبیله احدك اصل
اولوب اندن اعداد و اعداددن نقاط و نقاطدن خطوط و خطوطدن سطوح
و سطوحدن اجسام و اجسامدن عناصر اربعه و آندن عالم حادث اولدیغنه
و تناسخ ارواحه قائل اولمش و تناسخده پك ایلرو كیدوب هر نوع لحمك اكلنی
حرام اعتقاد و قارنجه+نك بیله تلفنی انسان قتلنه معادل عد ایتمش ایدی
جناب واجب الوجود واحد و اصلدر — روح نفسنده حركت ایدر
بر عدددر — ماده بر صفت غیر معین و مبدأ شردر — دنیا اویغونلق ایله
تنظیم اولنمش یر دكلدر — ارضك كرویتی دنیانك وسطی غیر متحرك
اولدیغنی ارائه ایدر — شهوتنه تابع اولان حیوان ناطق دلیك فوچی+یه
بكزر دلیك فوچی انسان دكلدر — محب حكمت اولانه فرضدركه هر اقشام
كندینك ازهرجهت طورو سلوكنی كمال شدتله یوقلمه ایده و اعمالنی دعاء
و ابتهال ایله تطهیر و تقدیس ایلیه و قصور ایتدیكی دركاهه ال قالدیرمادقجه
شمسی غروبه براقمیه یعنی هرغروبدن اقدم توبه و استغفار ایده . بونلر
هپ فیثاغورسك جملۀ عقائد و نصایحندن اولدیغی كبی تچردازعلائق
و تضفیۀ قلب و ارشاد مریدان و اشتراك دراموال و قابلیته كوره تلقین حكمت
وكتم اسرار قاعده+لری دخی مومی الیهدن متولد حكم اشراقیە+دندر