ادریس علیه السلام — پیغمیران عظامدندر و سریانیجه اسم
عالیلری (اخنوخ)در (١١٢٢ خ) تاریخنده یعنی میلادك درت بیك
درتیوز یتمش ایكی سنه مقدمنده شیت علیه السلام سلاله+سندن دنیایه كلوب
اوچیوز قرق بش سنه صكره (ورفعناه مكانا علیاً) نص جلیلی اوزره
رفع بیوردی. مشار الیه حضرتلری نبوت و حكمت و خلافتی جمع
بیوردقلرندن (مثلث النعمه) عنواننی آلمش و كندیلرینه شرف نازیل اولان
اوتوز صحفده اسرار سماویه و تسخیر روحانیات و طبابع اشیا مندرج اولدیغی كبی
علم كتابت و حساب و رمل و اسرار نباتاتك تحقیقنه كافی اشارات دخی موجود
اولدیغندن اورادن بالاستخراج معلم اول شرفنه نائل اولمشدر. ابتدا امرا
و علما و رعایایی تفریق و وظیفه+لرینی تعیین و یاپدیردیغی قرا و قصاباتده اسكان
ایدن و اولاد قابلك نفاق و فسادینه قارشو غزایه مأمور اولان بودر
و رفعلرندنصكره مخدوم مكرملری (متوشلح) یاخود )ماتوشلخ) خلیفه
اولمشدر