ادرنه — روم ایلنده و استانبولك شمال غربیسنده و یوزیتمش یدی
كیلومترو بعدنده و مریج و ارده و طونجه نهرلرینك التقا ایلدیكی محلده تخمیناً
یوز بیك نفوسی جامع بر شهر جسیمدر و دروننده اولان سلطان (سلیم ثانی)
و (سلطان بایزید ثانی) و سلطان (محمد ثانی) حضراتنك جسیم جامعلری
و عالی پاشا پازاری و اسكی سرای پك مشهوردر و رومانوسلردن قالمه بعض
آنتقه+لری واردر
ادرنه یونانیلر یدنده ایكن (اراسته) نامیله مشهور ایدی صكره (آدرییان)
نامنده بر ایمپراطور توسیع و تزیین ایلدیكندن اكا نسبتله (آندرینویل)
تسمیه اولندی. بورانك فاتحی (١٣٦١ م و ٧٦٣ ه) تاریخنده سلطان
مراد اول حضرتلری طرفندن مأمور اولان غازی لالاشاهین پاشا)
حضرتلری+در بو ذات اردوسیله ادرنه جوارینه كلوب درون قلعه+دن اوزون
اوزادی مقاومت اولنه+جغنی حس ایلدیكندن حیله ایله ضبط طرفنی ترجیح
ایتدی و مومی الیهك تدبیریله (حاجی ایل بك) آكسزین اوردودن قاچوب
ادرنه حصاری التندن پادشاهه كوجنوب فرار و التجا ایلدیكنی سویلدی
و بو صورتله ایچرو كیروب و كندوسنی ایناندیروب بر طرفك محافظه+سنی
درعهده ایلدی ومومی الیهه تقلیداً دها برچوق فراری كلوب ایچرو
قبول اولندیغندن ایچروده بیاغی بر فرقه عسكر طوپلاندی و بر كون علی
الصباح حصار قپولرینی آچیویرملریله عساكر عثمانیه ایچرو كیروب رایات
عثمانیه+یی برجلره ركز ایلدی. و یدی سنه صكره پای تخت عثمانی بروسه+دن
صكره موقتاً پای تخت اتخاذ اولنمش اولان دیمتوقه+دن ادرنه+یه نقل اولندی
و (١٨٢٩ م و ١٢٤٥ ه) و (١٨٧٨ م و ١٢٩٥ ه) تاریخلرنده روسیه بلا
محاربه كیروب حسب المعاهده ینه چیقدی و (١٨٧٨ م و ١٢٩٥ ه)
استیلاسی عقیبنده بعض ملحقاتی مختاریت وجهله ادارە+سی تقرر و تشكل ایدن
روم ایلیء شرقی ولایتنه ویرلدی
ادرنه+ده جماعتی كثیر بر جامعك اسمی (اهمال پاشا) و جوارنده صویی
مبذول بر چشمه+نك اسمی (قوری چشمه)در و فایح ادرنه لالاشاهین پاشانك
بر كنارده قالان تربه+سی تعمیره محتاجدر جوامع و مدارس و تكایا و مكاتب
و سائره+سی جمله+نك معلومی اولدیغیچون تفصیل اولنمامشدر