لغات تاریخیه و جغرافیه

Lugat-ı Tarihiyye ve Coğrafiyye

فریدون

Ferîdun

فریدون — ملوك پیشدادیانندر تخمین (٣٥٠٠ خ) تاریخلرنده یعنی میلادك ایكی بیك طقسان درت سنه مقدملرنده ضحاكك قتلنی متعاقب اجلاس اولندی. حقانیتی سور و ارباب معارفه رعایت ایدر بر ذات ایدی وفاتنده ملكی اوچ اوغلی بیننده مقاسمه اولنوب مؤخراً ایچلرندن ایكیسی بالاتفاق دیكرینك حصه+سنی دخی كندو حصه+لرینه قاتدیلر بعد زمان اشبو حصەسی غصب اولنان ذاتك حفیدی (منوچهر) چیقوب تخت فرسی ضبط ایتمسیله مومی الیهمادن یالكز (تور) ایرانه تابع تركستان غربیده حكمدار اولەرق قالدی. تاریخلرك بوندن ماعدا ویردیكی معلومات افسانه قبیلندندر