لغات تاریخیه و جغرافیه

Lugat-ı Tarihiyye ve Coğrafiyye

فردوسئ طوسی

Firdevsî-i Tûsî

فردوسئ طوسی — مشاهیر فضلای عجمدندر و اسمی حسن بن اسحق مولدی ایرانده طوس كویلرندن (رزات) نام قریه+در پدری طوس قربنده فردوس نام بر بانچه+ده باغبان اولدیغی جهتله فردوسی مخلصیله شهرت بولەرق بعده بو مخلص كندوسنه دخی انتقال ایتمشدر
فضل و معرفتی حیطۀ وصفدن بیرون و حوزۀ مبالغه+دن افزون اولوب ازجمله مشهور آفاق اولان (شهنامه) نام اثری بو بابده شاهد عدلنموندر بعض احوال مزعجەیه مبنی طوسدن غزنە+یه كیدوب سلطان محمود غزنوی+یه كسب مناسبت و شهنامه+یی شاه مشار الیهك امریله اوراده ترتیبه مباشرت ایلیوب ابیات آتیەدن دخی اكلاشیله+جغی وجهله اوتوز سنه صرف نقدینۀ غیرتله بتوردكدن صكره حضور شاهی+یه تقدیم ایلدیسە ده مأمولی كبی مکافاة كورمدكدن بشقه اولجه دخی اصحاب غرض فردوسی رافضیدر غمزیله حقنده شاهك بغض و نفرتنی جلب ایتمش اولدیغندن اینجنوب سلطان مشار الیهك شهنامه ذیلنده+كی لاحقە+سنده
بسی سال بردم بشهنامه رنج * كه تا شاه بخشد مرا تاج و كنج
اكر شاه را شاه بودی پدر * بسر بز نهادی مرا تاج زر
چو اندر تبارش بزركی نبود * نیار ست نام بزركان شنود
الی آخره) زمیننده هجوه ابتدار و غزنه+ده درت آی اختفادن صكره هراته و اورادن رستمداره فرار و بر مدتجك ده اوراده اوتوردقدن صكره هرم و پیری وجودینه مستولی اولدیغی آوانده تكرار وطن اصلیسی بولنان طوسه عودتله فرار ایلمشدر
غرائب احوالدن اولدیغی اوزره منقولدركه سلطان محمود هند سفرنده دهلی) حكمدارینه بر نامه كوندروب (نامه مزك جوابی شاید مراممزنك عكسنه ظهور ایدر ایسه تدبیرندر) دیو نزدنده بولنان مستشاری خواجه احمد میمندیدن استفسار ایلدكده خواجه درعقب شهنامه+دن (اكر جزبكام من آید جواب . من وكرز و میدان و افراسیاب) بیتنی اوقومغله مشارالیهه رقت كلوب فردوسی+یه جفا و غدر ایدك عجبا فقیر نه حالدەدر دیدكده خواجه فرصت بولوب فردوسی پیر و عاجز طوسده محتفی ایمش دیەرك سلطانك عرق شفقتنی تحریك ایلدیكندن پادشاه فردوسی+یه اون ایکی دوه یوكی چوید ارسالنی امر ایتمش و بونلر منزل مقصوده كله+رك طوسك رودبار قپوسندن كیرر ایكن فردوسینك جنازه+سی (رزان) قپوسندن چیقمشدر مرقدی طوسده حالا معروف و ملتجای زواردر. وفاتی (۱۰۲۰ م و ۴۱۱ ه) تاریخنده ایدی. عربی و فارسیدن متعدد تألیفات مرغوبه+سی واردر. ادبای عجم بیننده سلطان الشعرا و امیر المكلمین عنوانیله یاد اولنور. امام غزالی حضرتلری ممكن اولسه جمله مؤلفاتمی فردوسئ طوسینك شو ایكی بیتنه دكیشور ایدم دیمشدر
پرستیدن دادكر پیشه كن * زروز كذركردن اندیشه كن
بترس از خدا و میاز اركس * ره رستكاری چنینست بس