اخیلر — طریق فتوته سلوك و عقد اخوت ایدن بر زمرە+نك
عنوانیدر. بونلر اناطولی ایچنده بولنورلر و صوفیلر مسلكنی التزام
و حاللرینی اجنبیدن ستر ایدوب دائما عبادات و طاعات و ابنای جنسنه امداد
و اعانات ایله مشغول اولورلر ایدی لكن صكره ایچلرینه قاریشان برطاقم
غرضكار جهلا اشبو اخوت خالصه+یی اتحاد سیاسیه+یه تحویل و اغراض
نفسانیه+لرینی اجرایه وسیله اتخاذ ایدوب و بینلرنده مقرر اولان اشارات
و عبارات ایله یكدیكرینی طانیه+رق چوغالوب نهایت انقره و سیواس ولایاتنی
استیلا و بر مدت طوائف ملوك كبی اولحوالیده نفوذلرینی اجرا ایلدیلر
و بعضیلری دخی قونیه+ده قرمان اوغلی حمایه+سنده بولندیلر ایسه ده سلطان
مراد اول حضرتلرینك سطوت و جلادتنه طیانه میوب جمله+سی پریشان اولدیلر
اخیلردن (حسام الدین انقروی) و طربزونده مدفون دباغلر شیخی)اخی اورن)
حضراتی كبی پك بیوك ذوات كلمش ایدی. اشبو اخوت مقدما عربلرده
دخی (فتیان) نامیله وار ایمش. (اخیولی) و (اخی چلبی) و امثالی
ناملر بونلردن قالمه+در.