فخالدین رازی — اسمی محمد بن عمر كنیه+سی ابو عبد الله
مسقط رأسی (ری) وفاتی هراتده (۱۶۰۹ م و ۶۰۶ ه) تاریخنده+در
اجلۀ حكمای اسلامیه+دن علوم عقلیه و نقلیەنك كنه و حقیقتنه ایرمش بر ذات
باهر الكمالات ایدی ناتمام بر تفسیر كبیری واردركه جداً سزاوار تسلیم
اولوب مؤخراً بعض تلامذه+سی معرفتیله اكمال و طبع اولنمشدر. هراتده
مشار الیهی شیخ الاسلام لقبیله تلقیب و ماوراء النهر و خوارزمده مذهب
و عتقاده دائر آچدیغی مباحثاته مبنی شهردن تبعید ایلدیلر. بوكا اوروپالیلر
رازینك غلطی اولەرق (رازون) دیرلر. حكمای یونانیه+نك اکثر اقوالنی
ردو تعدیل ایتدیكیچون اوروپاجه مشكك نامنی دخی آلمشدر
مطالب العالیه) (نهایة العقول) (برهان) (مباحث المشرقیه) (تهذیب
الدلائل) (تأسیس التقدیس) (اربعین) و امثالی لایعد تألیفات بی مثالی و ابن
سینانك اشارات و قانون طبنه شرحلری و نبض حقنده مكمل بر كتابی واردر