لغات تاریخیه و جغرافیه

Lugat-ı Tarihiyye ve Coğrafiyye

اخلاق

Ahlak

اخلاق علائی — تحصیل مكارم اخلاق ایچون حكمت علیه+نك اقسامنی مبین تركجه یازلمش بر كوزل كتابدر و مؤلفی ابن الخحنائی دیمكله معروف (علی بن امرالله)در مومی الیه بو كتابی شامده تألیف ایدوب مؤخراً (١٥٧١ م و ٩٧٩ ه) تاریخنده ادرنه+ده وفات ایلدی تاریخ تألیفی لاجرم ختمنه تاریخ انك اولدی اخلاق علائی احسن

اخلاق الابراروالنجاة من الاشرار — محمد الغزالی حضرتلرینك اثریدر

اخلاق الاتقیا وصفات الاصفیا — (١٥٥٦ م و ٩٦٤ ه) تاریخنده وفات ایدن مظفر بن عثمان البرمكینك اثریدر

اخلاق راغب — (١١٠٦ و ٥٠٠ ه) تاریخنده وفات ایدن ابو القاسم حسین الاصفهانینكدر

لامع الاشراق — شیخ جمال الدین اقسرایی حضرتلرینك اثر بر كزیده+سیدر

تهذیب الاخلاق — ابوعلی سینانك

اخلاق فخرالدین — (١٢٠٩ م و ٦٠٦ ه) تاریخنده وفات ایدن شیخ محمد بن عمر الرازینك

اخلاق ناصری — (١٢٧٣ م و ٦٧٢ ه) تاریخنده وفات ایدن علامه نصیر الدین طوسینك

اخلاق عزیزیه — روضة الابرار صاحبی قره چلبی زاده شیخ الاسلام عبدالعزیز افندینك