فخرا لاسلام — اسمی عبد الواحد بن اسماعیل بن احمد بن
محمد كنیه+سی ابو الحاسن ولادتی (۱۰۲۴ م و ۴۱۵ ه) سنه+سیدر
مشاهیر محققین علمادن اولوب دین متین و اعتقاد یقین صاحبی ایدی كندو
بلده+سنده پدر و جدندن اخذ علوم ایلدی حفظی بر مرتبه واسع
ایدی كه آنكله ضرب مثل اولنوردی حتی كتب شافعیه+نك جمله+سی محو
و محترق اولسه بن حفظمدن املا ایدرم دیدیكی روایات موثوقە+دندر مشهور
نظام الملك مشار الیهی غایت تعظیم و توقیر ایدردی
اولا طبرستان بعده (آمل) شهرینه قاضی اولوب (١١٠٨ م و ۵۰۲ ه) تاریخنده ملاحده+دن برینك مقتول تیغ غدری اولمشدر
)كتاب البحر) (كتاب الفروق) (كتاب الحلیه) (كتاب التنجریه) (مناصص الشافی) و (الكافی) نام كتابلر جملۀ تألیفات حسنه+سندندر