فخر بن عساكر — كنیەسی ابوالقاسم+در علمای شافعیه+نك
مفخری و ارباب حدیثک امام فضائلپروری ایدی تاریخ دمشقی یازش
و حفظ احادیث شریفه ضمننده برچوق ممالكه سیاحتله رجالدن بیك اوچیوز
و نسادن سكسان شیوخ حدیث استماع ایلمشدر متدین و خیر نهاد بر ذات
اواوب ایام عادیه+ده هر جمعه و رمضان كونلرنده كل یوم برر ختم ایدر
و مناصبدن كندوسنه اك عالی درجه عرض اولندیغی حالده اعراض ایلر ایدی
امر بالمعروف و نهی عن المنکرده ایسه مفرط ایدی (١١٧٦ م و ٥٧٢ ه) تاریخنده شامده وفات ایدرك باب الصغیرده معاویه رضی الله عنه مرقدی
جوارینه دفن اولنمش و قبری شامجه اك معروف زیارتكاهلردن بولنمشدر
مشارالیهك اشهر تألیفی سكسان جلدی حاوی اولان مارالزكر شام تاریخیدر
بوندن صكره باشلیجه تألیفاتی (كتاب المواففات) (كتاب للاطراف للسنن
الاربع) (مناقب الشباب) و سائر آثار نفیسه+در. بر طاقم اشعار لطیفه+سی
دخی موجود اولوب اوجمله+دن اولمق اوزره زیرده اولان ابیات آلندی
ایا نفس و یحك جاءالمشیب * فماذا التصابی و ما ذا الغزل
تولی شبابی كائن لم یكن * وجاء مشیبی كائن لم یزل
كانی بنفسی علی غرة * و خطب المنون بها قد نزل
فیالیت شعری ممن اكون * و ما قدر الله لی بالازل