لغات تاریخیه و جغرافیه

Lugat-ı Tarihiyye ve Coğrafiyye

فجر شمالیه

Fecr-i Şimâliye

فجر شمالیه — هوای نسمیده اولان الكتریقك تأثیریله ظهور ایدن حادثاتدندر كرۀ ارضك قطبلرینه قریب محللرده كیجه وقتی جو هواده قبه شكلنده بر ضیا ظهور ایدوب برقاچ ساعت طورر حادثۀ مذكوره اولا نصف النهار مقناطیسی+یه موازی بر استقامتده و بر قوش شكلنده صولوق صاری رنكلی اولە+رق كورینوب بعده افقك هر طرفنده ینه اورنكده برچوق شعاعات احداث ایدر و بونلرك جمله+سی سمانك بر نقطه+سنه یعنی میل ابره+سنك قطب جنوبیسی حذاسنه متوجه اولملریله نورانی بر قبه شكلی حاصل اولور. اشبو حادثه+نك وقوعنده پوصله+لرك ابره+لری استقامتلرندن شاشەرق صاغه صوله انحراف ایلدیکی مجربدر