فتوحات المکیة فی معرفة اسرارالمالکیة والملکیة — شیخ
محی الدین عربی حضرتلرینك اعظم تألیفات و خاتم تصنیفاتی اولوب اوچ
جلدی شامل و بر مقدمه ایله بش یوز التمش بابی مشتملدر. مشارالیه كتاب
مزكوری كندو اختیار و قریحه+سیله یازمیوب الهام ربانی ایله سلك ترتیبه
چكدیكنی ینه كندوسی اشبو كتابی دروننده بیان ایتمشدر
فتوحانی ائمه علومدن (١٥٦٥ م و ٩٧٣ ه) تاریخنده متوفی عبدالوهاب
شعرانی حضرتلری اختصار ایدوب (لواقح الانوار القدسیة الممنقاة
من الفتوحات المکیة) تسمیه ایلدیكی حالده صكره بونی دخی تلخیص ایدرك (الکبریت الاحم من علوم شجخ الاكبر) نامنی ویرمشدر. امام شعرانی
حضرتلری مصرده یتیشان علمای اعلامك بركزیده+لرندندر مختصر
فتوحاتده بیورركه (فثوحاتی اختصارم اثناده اهل سنت والجماعة اعتقادینه
منافی بعض مقالات كوروب اولبابده توقف و كتابمدن حذفنی مراد ایتمشدم
لكن تردددن كندومی بر درلو قورتاره+میوب نهایت بركون اعلام مصردن
سید ابی الطبیب المدنی ایله ملاقاتمده شو سر سربسته+یی اكاده اعلام ایلدم
مشار الیه درعقب قونیه+ده ابن عربی حضرتلرینك خط دستیله موشح
فتوحاتك عینی و مقابلی اولمق اوزره جیبندن بر نسخه چیقاردی نسخه+یه
باقدم حین اختصارده حذف ایتمك ایسدیكم جمله+لرك هیچ بریسنی
كوره+مدم اولوقت بیلدم كه مصرده متداول اولان فتوحات نسخه+لری
بجملتها شیخ مشار الیه حضرتلرینی عقاید اهل سنت و جماعته مخالف
كوسترمك ایچون یازلمش نسخۀ مفتریات آلوددن استنساخ اولنمشدر
نصل كه مشارالیهك كتاب فصوص وسائر تألیفاتنده دخی امثالی نظر تأسفله
كورلمکدە+در