لغات تاریخیه و جغرافیه

Lugat-ı Tarihiyye ve Coğrafiyye

فتق

Fıtık

فتق — اعضادن بر عضو ویا اول عضوك بر جزئی جوف طبیعیسی خارجنه چیقمغه دینلورسه ده خاصةً امعانك بر قطعه+سنك ویا سرپك بر جزئنك ویاخود اعضله بطنیه+دن بری محلنی ترك ایله جتفنك خارجنه چقماسنه تعبیر اولنور. تبدیل محل ایدن اعضایه و اول عضوك خروج ایلدیكی فرجە+یه نظراً فتق اسماء مختلفه ایله مسمادر مثلا مخك جوفدن خارجه چقماسنه (فتق مخ) معده+نك خروجنه (فتق معده) امعانك خروجنه (فتق معا) کبدك خروجنه ( فتق كید) رحمك خروجنه (فتق رحم) مثانە+نك خروجنه (فتق مثانه) دیرلر والحاصل جوف بطنك فرجات طبیعیه+سندن بری حذاسنده بولنان اورامه فتق نامنی ویررلر ورم مذكور بر زورلغك تأثیریله آناً ویاخود شیئاً فشیئاً ظهور ایدر بو ورم وجعسز برورم اولوب بونده جلدك لونی دخی متغیر اولماز مفتوق اولان كمسه ایاق اوزری طورر ویا اوكسور و آقسیرر ویاخود جهدی موجب برایش ایله مشغول اولور ایكن ورم مذكور كسب جسامت ایدوب یاتدیغی زمان یا كوچیلور و یاخود مكاننه دخول ایدرك موقةً غائب اولور آرقه اوستی یاتلدیغی حالده كندو كندویه محلنه داخل اولان ایله بالواسطه یعنی قاعدةً اجرا اولنان برلمس واسطە+سیله داخل اولان فتقه ( فتق قابل الادخال) و عكسی حالنده اولنلر (فتق ناقابل الادخال) دیرلر. فتق ظهور ایلدیكی حالده فرجه بیومكسزین درعقب قاصق باغی وضع ایدلملی و حكمایه بالمراجعه التنه مضادالفتق علاجلر قونللیدر اهماله کلمز