فتاوی الكبری — (١١٤١ م و ٥٣٦ ه)دە شهیداً وفات ایدن
شیخ عمر بن عبدالعزیزك اثریدر لقبی حسام شهید. صغراسی دخی وار
فتاوی عبدالرحیم — تركی. (١٧١٥ م و ١١٢٧ ه)ده وفات
ایدن شیخ لاسلام منتشی زاده عبدالرحیم بروسه+وینك بین العلما معتبر
بر اثریدر
فتاوی عبدالله بن عباس رضی الله تعالی عنهما — ابو بكر محمد بن
موسی بن یعقوب بن مأمون خلیفە+نك جمعنه همت ایلدیكی یكرمی جلد
اثر شریفدر
فتاوی عطا افندی — تركی. (١٧١٥ م و ١١٢٨ ه)ده وفات ایدن
شیخ الاسلام محمد عطا افندینك مسائل فقهیە+یی مع نقولها متضمن اثریدر
فتاوی علی افندی — (١٦٩٠ م و ١١٠٣ ه)ده وفات ایدن شیخ
الاسلام مشهور چتالجه+وی علی افندینك اثریدر
فتاوی قاضیخانیه — (١١٩٥ م و ٥٩٢ ه)ده وفات ایدن امام
فخرالدین حسن بن منصور اوزجندی فرغانینك علم و فقهاجه دستورالعمل
اتخاذ اولنان اثریدر
فتاوی قورقود خانیه — (١٥١٢ م و ٩١٨ ه)ده مقتولا عازم
دار بقا اولان قورقود خان بن سلطان بایزید عثمانینك جمع ایلدیكی اثردر
فتاوی نسفیه — (١١٤٢ م و ٥٣٧ ه)ده وفات ایدن صاحب
منظومه علامۀ سمرقند نجم الدین عمر بن محمد نسفینك اثریدر
فتاوی بزازیه — علماء متأخریندن بزاز زاده دیمكله معروف منلا حافظ
الدین محمد بن شهاب الدین كردینك تألیفنه موفق اولدیغی كتاب شریفدر