اخلاط — وان ولایتنده و وان كولنك شمال غربیسنده و ارجیش
جوارنده بر شهردر. بو شهر شمدی بیك خانه+دن عبارت ایسه ده مقدما
پك بیوك و معمور و استانبول جسامتنده بر پای تخت مشهور ایدی. بوراسی (١٢٢٨ م و ٦٢٦ ه) تاریخنده جلال الدین و یكرمی سنه صكره عزالدین
معرفتلریله تسخیر اولنوب بر عصر صكره دولت علیه+یه انتقال ایلدی.
اخلاطك صغوغی زیاده ایسه ده الما وجویز كبی میوه و محصولات سائره+سی
چوقدر و دروننده اولان سلیمان خان تربه+سی مشهور زیارتكاهدر. اشبو
سلیمان خان حال حیاتنده روضۀ مطهرە یه پك چوق خدمت ایتمش ایدی