فاطیمه — (۹۰۹ م و ۲۹۷ ه) تاریخنده علویلردن (مهدی) نام
ذاتك مغرب زمینده مهدیه جهتلرنده تشكیل ایلدیکی حكومتك اسمیدر
بو حكومت مؤخراً اولحوالیده متشكل بنی مدرار و بنی اغلب و بنی رستم
حكومات صغیره+سنی و طرابلس غرب تونس جزایر فاس سچلیا و ساردنیا
ولایاتنی و (۹۲۸ م و ۳۵۸ ه)ده دخی مصر الكاسنی زیر اداره+سنه آلمش
و مغرب ولایاتنی حوزۀ حمایه+سنده اولمق اوزره بر والی+یه ترك ایدوب
كندوسی مصره نقل ایتمش و والئ مومی الیهك سلاله+سی (بنی بادیس) نامیله یوز
سكسان بر سنه اوراده حكومت سورمشدر. (مهدیه) قلعه+سنی (٩١٥ م و ۳۰۳ ه) تاریخنده مشارالیه یاپدیردی لقبی (معزلدین الله)در (معز) كلمه+سنه دخی نظر بیوریله