فاضل احمد پاشا — مشاهیر وكلای دولت علیه+دن كوپریلی
محمد پاشا زاده+در (١٦٦١ م و ١٠٧٢ ه) تاریخنده پدرینك وقوع
وفاتیله یرینه صدراعظم تعیین اولندی. اوته+دنبرو دولت علیۀ عثمانیه+یه
حسن خدمت و صداقتله مشتهر بولنان اجداد عظامی اثرینه بو دخی اقتفا ایله
تصدرندن بر سنه صكره اوستریا محاربه+سنه كیدوب (١٦٦٤ م و ١٠٧٥ ه)
ده موراوه جوارنده برقاچ قلاع مهمه+یی و (١٠٧٧ دن ١٠٨٠ ه) تاریخنه
قدر اوچ سنه ظرفنده اقدامات متوالیه و بر مهارت فوق العادۀ حربیه
ابرازیله (قندیه) قلعۀ مشهوره+سنی آوردۀ دست جلادت ایلدی. قندیه
قلعه+سی (١٠٥٧ ه) تاریخندن تاریخ مذكوره قدر اره صره تعطیلیله برابر
یكرمی اوچ سنه+ده فتح اولنه+بیلمش و بو مدت ایچنده ایکی طرفدن حسابسز
آدم واقچه تلف اولمشدر. (١٠٨٣ ه)ده كریددن عودتندن صكره
لهستان سفرینه دخی كیدوب لهلیلری وله ایچنده براغەرق بر دفعه+لك سكسان
بیك و بهر سنه یكرمیشر بیك التون ویرمك اوزره معاهدەیه ربط ایتدی
غازئ مشار الیه داها نیجه خدمات جسیمه و مهمه+ده بولنوب اجانبه قارشو
دولت و ملتنك شان و سطوتنی اعلا اغورنده افنای وجود ایلدكدن صكره (١٦٧٦ م و ١٠٨٧ ه) تاریخنده ادرنه طریقیله درسعادته كلوركن جسر اركنە+ده نهر حیات فانیدن ساحل عالم جاودانی+یه عبور ایلمشدر (قندیه) كلمه+سنه دخی مراجعت بیوریله