فاس — اقصای مغربده بر حكومت مستقلۀ اسلامیه+در التی
ملیون بش یوز بیك نفوسی اولوب مقر اداره+سی (طنجه) و بلاد مشهوره+سی
)مراكش) و (موغادور)در. بو دولته اوروپالیلر (ماروق) دیرلر
فاس حكومتی (١٦٠٠ م و ١٠٠٩ ه) تاریخنده ابتدا ایدرك (١٨٥٣ م
و ١٢٧٠ ه)ده مولی عبدالرحمن سلطانك و فاتیله سید محمد سلطان یرینه
كچمش و بو دخی (١٨٧٣ م و ١٢٩٠ ه) تاریخنده وفات ایتمكله سلطنت
سلطان (حسن)ه انتقال ایتمشدر. اشبو فاس سلطانلری سلالۀ حسینیۀ
علویه+دندر. ( ١٥٧٥ م و ٩٨٣ ه)ده فاس حكمداری بولنان عبدالملك
تخت مغصوبنه اعاده+سنی استرحام ایتمسی اوزرینه طرف دولت علیه+دن
دوننما كوندریلوب نخته اجلاس اولنمش و فاس ممالكی بو صورتله نوعما دولت
علیه حمایه+سنه كیرمش ایدی. اسپانیالولر فاس ساحلنده و سبته بوغازی
اوزرنده (سوتا) نام موقع ایله دیكر بعض مواقع بحریه+یی تصرف ایتمكده+درلر
حكومت كلمه+سنه دخی نظر بیوریله