فارماقولوثری صیدله — طبك خواص و قوای اجزادن بحث
ایدن قسمیدر بو علمك اربابی اولان اجزاجیلر بالجمله اجزای طبیە+نك قوت
و خاصه+لرینی و یكدیكریله برلشدكلرنده طبیعت كیمیویە+لری ایجابنجه نه خاصه
ویا مضرت پیدا ایده+جكنی و نوجهله حفظ اولنمق لازم كله+جكنی و حكیملرك
رچتە+لرنده بر خطا اولوب اولمدیغنی و اجزا طوردیغی یرده بوزیلوب
بوزلمدیغنی و ادویۀ مركبە+نك و هردرلو علاجلرك قاعده+سی اوزره اعمال
و استعمالنی بیلورلر
بر متوسط اجزاخانە+ده اك آز بولنمسی ایجاب ایدن اجزانك تركجه و فرانسزجه
اسملری حروف هجا ترتیبی اوزره زیرده مختصراً بیان و صورت اعمال
و خاصه و استعماللری اشعار و بریرلرینه نسبتله دكرلری بیلنمك ایچون شمدیكی
تجار فئاتلری اشارت اولنمشدر فقط بونلرك ایجاب و شخص و علتنه
كوره نافع اولنلرینی انتخاب و مقدارلرینی تعیین فن طبابته وقوفله كن وخود بخود استعماللرنده تهلكه و بلكه هلاك متیقن اولدیغندن احتیاجی اولنلرك
هر وقت و هرحالره اطبای حاذقه مراجعت ایلملری لازم كلور