فارس یاخود (فارسستان) — قدما نزدنده (پرسید) دنیلان
قطعەكه عجمستانك اك زنكین و معمور ایالتیدر غرباً كرمان و سیستان
شمالاً عراق عجم شرقاً خوزستان جنوباً بصره كورفزی ایله تحدید اولنور
طولاً بشیوز یتمش عرضاً درتیوز اللی كیلومترو اتساعنده اولوب التی
یوز بیك نفوسی حاوی وكرسئ ادارەسی شیراز شهریدر. بختری نام
سلسلۀ جبال شمال غربیدن جنوب شرفی+یه طوغری بو قطعه+دن مرور
ایدر. سلسلۀ مذكوره+دن نبعان ایدن نهرلرك ایچنده اك باشلیجه سی (بندمیر)
نهری اولوب برچوق كوللری و ایلیجە+لری دخی واردر و زراعتی وسط حالدەدر
كوزل پرنجی و نفیس اوزوم و خرما و پموق و ایپكی و اعلا آت و دوه+سی
چیقار. تجارتی بصره كورفزی ایله ایشلكدر. بو مملكتده عجم لساننی
غایت فصیح اوله+رق تكلم ایدرلر.
فارسستان مادلیلردن صكره برچوق اللره کچدی و ساسانیلرك مؤسسی اولان
اردشیر بابك خان(٢٢٥ م) تاریخنده بورادن نشأت و (۷۴۷ م و ۲۶ ه)ده
اسلام استیلا ایلدی و برچوق اختلالات داخلیه+دن صكره تركمنلر طرفندن
ضبط اولنوب (۹۳۴ م و ۳۲۳ ه)ده آل بویه سلالۀ حكمرانیسنك مركزی
اولدی و (۱۲۶۳ م و ۶۶۲ ه)ده جنكیریلر و (۱۳۹۵ م و ۷۹۸ ه) تاریخنده
تیموریلر آلوب حفیدلری یوز سنه حكومت سوردكدن صكره بیاض قیونلی
تركمنلره و صفویلره و افعانیلره كچدیكی حالده (۱۷۳۰ م و ۱۱۴۳ ه) تاریخنده
طهماسب قولی خان طرفندن استرداد اولندی و مشار الیهك وفاتی اوزرینه
اون یدی سنه حاكمسز قالوب نهایت كریم خان (زند) سلتلە+سنی و (۱۸۹۵ م و ۱۶۱۰ ه) تاریخنده اغا محمدخان الیوم ایرانده حكمدار اولان قجار سلالە+سنی
تشكیل ایلدی