لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
غزه
Gazze
غزه — فلسطینده ساحلی بر شهردر اسرائیلیاتدن اوله+رق شمسون جبار وقتیله بو مملكتك قپولرینی قالدیروب دروننده بولنان بر معبدی خراب ایتدیكی صره+ده معبد مذكور ایچنده بولنان اوچ بیك آدمی ازمثدر. (۵۲۶۳ خ) تاریخنده یعنی میلادك اوچیوز اوتوز ایكی سنه مقدمنده بیوك اسكندرك هجومی اثناده غزه والیسی بر قاچ آی مقاومت ایلدیكندن مشارالیه ضبطدن صكره والئ مرقومی بر آت قویروغنه یاخود عربه+یه باغلی اولدیغی حالده سوركلته+رك اعدام ایلدی بو فعل قبیخ بالآخره اسكندرك علوقدرینه نقیصه ویرمشدر پتوله+مه و سلوكوس انتی غونی بوراده بوزدی و مؤخراً یهودیلرك محاربات داخلیه+سی اثناده شهر خراب اولوب (غابینیوس) طرفندن مجدداً انشا ایدلدی و (۱۷۹۹ م و ۱۲۱۴ ه)ده فرانسزلر آلوب ینه رد ایلدی. شمدی نفوسی بشبیك تخمین اولنیور. حد رسول اكرم هاشم بن عبد منافك مدفنی و امام شافعی حضرتلرینك مولدی بوراسیدر
غزه ویا (غزه+قه) — قدیم آنتر و پاتین+ده بر شهر اولوب عجم شاهلرینك یازلق مقری ایدی الیوم خرابه+سی روان ایله همدان بیننده كورلمكده+در
Daha fazla bilgi için:
TDV İslâm Ansiklopedisi