لغات تاریخیه و جغرافیه

Lugat-ı Tarihiyye ve Coğrafiyye

غزوه

Gazve

غزوه — فخر عالم صلی الله تعالی علیه وسلم حضرتلرینك بالذات تشریف بیوردقلری سفرلره اطلاق اولنور بو مثللو غزوات نبویه علی قول الاکثر تدافعی و تحفظی اولەرق یكرمی بشه بالغ اولور. بونلرك طقوزنده یعنی(بدر کبری) (احد) (مریسیع) (خندق) (بنی قریظه) (خببر) (فتح مكه) (حنین) (طائف) محاربه+لرنده كندولری دخی مقاتله بیوروب ماعدا اون التیسنده یالكز اردوی همایونلری قلبكاهنده ارام و محاربه+یه و تشویق و ترغیب ییورمشلردركه جمله+سی صره+سیله و مختصر صورتده ذكر اولنور