غزنه — افغانستانده بر شهردر كابلك جنوب غربیسنده
و یوز كیلومترو بعدنده و سند نهری شعبۀ غربیسی اوزرنده بولنور و نفوسی
اون ایكی بیك تخمین اولنور. وقتیله اهمیت فوق العاده+یی حائز اولان
بو شهر غزنویلرك پای تختی اولوب نامنی غزنویلره اعطا ایلمشیدی
جوارنده سلالۀ غزنویە+نك اك بیوكی اولان سلطان محمود سبكتكینك
تربه+سی الیوم كورلمكده+دركه زیارتنه برچوق زوار كلورلر. غرنه (۱۱۱۶ م و ۵۱۰ ه) ده عجملر و (۱۱۵۸ م و ۵۵۴ ه)ده اهالیسنی قتل
عام ایدن غوز پادشاهی علاء الدین طرفندن ضبط اولنوب (۱۷۳۹ م و ۱۲۵۵ ه) تاریخندن برو انكلیزلرك تحت نظارتنده بولنمقدەدر.
تاتار جنسدن اولان ملوك (غزنویه) عجمستان و هندوستانك قسم اعظمی
اوزرنده ایكیوز اون درت سنه سلطنت سوردیلر بونلرك برنجیلری اولان (الب تكین) غزنه+ده هوایق نام ترك قومندن نشأت ایتمش و ملوك سامانیه
طرفندن خراسان والیسی اولدیغی حالده غلو ایدرك سامانیلرك حكومتنی
صارصوب (۹۶۰ م و ۳۴۹ ه)دە كندو سلاله+سنی تأسیس ایلمشیدی. الب تكیندن صكره قاینی سبكتكین (۹۷۵ م)دە تخته كچوب بونی متعاقب (۹۹۷ م و ۳۸۸ ه) تاریخنده سلطان عنواننی الان اوغلی یمین الدوله محمود جلوس
و عجمستان و هندستانك قسم اعظمنی فتح و تسخیر و ملكنی بحر حززدن غانژ
علیایه قدر توسیع ایلدی. بونك وفاتندن صكره غزنویلر خیلیدن خیلی
قوتلرینی غیب ایتدیلر ایسه ده خلفلرندن مسعود و مودود و شیرزاد
و بهرامشاه و سائرلری (۱۱۵۸ م) تاریخنه دكین ینه سلطنتلرینی محافظه
ایده بیلدیلر. اندن صكره یعنی تاریخ مزبورده بهرامشاه غوریلر سلاله+سندن
اولان علاء الدینه غزنه+یی تركه مجبور اولدی. و غزنویلردن خسرو شاه
و خسرو ملك نامنده ایکی ذات لاهور ولایتنده بر مدت داها حكومت
سوردیلرسه ده (۱۱۸۹ م و ۵۸۵ ه)دن ایلروكیدەمدیلر. بونلرك عجم لسانی
أوزره یازلمش اولان بر تاریخی (۱۸۳۲ م و ۱۲۳۸ ه) تاریخنده (ویلكن) معرفتیله المانیا لساننه دخی ترجمه ایدلمشدر