غزالی — حجة الاسلام امام غزالی حضرتلری كه نام نامیسی
سائر مسائر اقطار جهان و ذات عالیسی افضل افاضل آخر زماندر اسمی
محمد بن محمد كنیه+سی ابو حامد مولدی خراسانده (طوس) شهری وفاتی (۱۱۱۱ م و ۵۰۵ ه) تاریخیدر. علوم عقلیه و نقلیه+نك امام مطلق العنانی
و مسلك زهد و مجاهده+نك مؤسس اركانی ایدی. كندوسندن اول كلان
عرب و یونان فیلسوفلرینك اقوالنی كمایلیق مطالعه و تدقیق ایدرك اکثریسنك
بنای ظنون و اعتقاداتنی هدم و تخریب ایلمش و وزیر نظام الملك زماننده
بغداده كیدوب مدرسۀ نظامیه مدرسلكنه مالك و مؤخراً تدریسی براغوب
طریق زهد و انقطاعه سالك اولمشدر. ابن سینا مشار الیه بعض آثارینه
براز معترض كچینورایدی. منطق و حكمته دائر كتابلری قولونیاده ترجمه و نشر
اولنمشدر. (احیاءالعلوم) (جواهر القرءآن) (یاقوت التأویل) (مشكوة الانوار) (كیمیای سعادت) (مقصد الاسنی) (مسلك المسالك) كبی عربی
فارسی. طقوز یوز جلد تألیفاتی واردر مدت حیاتله زمان وفاتنی
مبین سویلنان تاریخ . نصیب حجت اسلام ازین سرای سپنج * حیات پنجه و چار و ممات پانصد و پنج