غرناطه — اندلسده الیوم التمش اوچ بیك نفوسی حاوی بر شهر
شهیردر بو شهرك اراضیسی وقتیله خارجاانظار اهل عبرته زمرد كبی بر
منظره فرحفزا عرض ایدر و امتدادی قرق میل جكر و (شینل) نهری اراضیء
لطیفۀ مذكوره+یی متمادیاً تروتازه بولندیرمق ایچون جابجا طورماز صولار
ایدی
غرناطه وقتیله بو نامده بر قراللغك دارالملكی ایدیسه ده اوچنجی قرن هجریده
اسلام معرفتیله یكیدن بنا و (١٢٣٨ م و ٦٣٦ ه) تاریخنده مركز حكومت
اتخاذ اولنمش و اولوقت دروننده ساكن اولان اهالینك مقداری درتیوز
بیكه بالغ اولمش و بوراده اولان ترقیات علمیه و صناعیه بتون جهانك
مغبوطی بولنمش ایدی. اول زمان اثارندن شمدی یالكز (احمرا) سرایی
قالمشدر. اندلسده ملوك اسلامیه+نك صوكی اولان عبدالله صغیر زماننده فردیناند
و ایزابللا قومانداسیله بورایه هجوم ایدن خرستیانلر یالكز بورادن چیقابیلان
یوز بیك كشی+یه غلبه و ملك مزبورك كمال وهم و جبانتی و متعلفاتیله اولان
رقابتی سایه+سنده و (۱۴۹۲ م و ۸۹۸ ه) تاریخنده ضبط ایدرك سكز یوز
سنه اندلسده فرمانفرما اولان اسلام حكومننك التنی اوستنه كتوردیلر (عبدالله) كلمه+سنه دخی نظر بیوریله
غرناطۀ جدید — امریقای جنوبیده متفقۀ قولومبیا دنیلان ولایتك نام دیكریدر بوراسی مقدما اسپانیا ادارەسنده بولنور ایدی