غررالاحكام — فروع حنفیه+یه دائر بر متن متین اولوب مدرسین
و قضاة و زمانمزده فقه ایله اشتغال ایدن ذوات نزدنده غایت معتبردر مؤلفی
محمد بن فرامرزدر كه منلا خسرو دیمكله تعریف اولنور. مشار الیه
مؤخراً بوكا بر شرح لطیف دخی تألیف ایلیوب (دررالحكام) تسمیه ایتمش
ایدی متن مذكور اللی بش كتاب اوزرینه مرتب اولوب یوز یكرمی
باب و اوتوز فصل و تذییلاتی و اوچ مسائل شتی و بر تكمله و تتمه و تنبیه
و سائره+یی حاویدر. حواشیسندن مشهورلری وانقولی دینمكله ثهیر
محمد بن مصطفانك (١٥٨٦ م و ٩٩٥ ه)ده تألیف ایتدیكی (نقدالدرر) ایله
عزمی زاده+نك حاشیە+سی و سائرلریدر. كتاب مذكور اوزرینه یازیلان
شرح و تعلیقات ایسه خارج تعداد اولوب بونلرك ایچنده قنالی زاده و اوغلی
حس چلبی و ابن كمال و شیخ الاسلام زكریا و معمار زاده كبی فضلانك دخی
اثاری واردر