لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
غانژ
Ganj
غانژ — هندستانده بر بیوك نهردر تیبت+ده همالایه طاغلرینك درت بیك مترو مرتفع محللرندن نشأت ایدوب (دیوا پرایاغا)ده الاقانانده ًنهرینی الدقدن صكره (غیر وال)ده غانژ نامنی اخذ ایدر بورادن اعتبارا الله آباد میرزا پور بینارس غازی پوردن و دهلی و اكره و بنكال ایالتلرندن کچه+رك برچوق شعبه+لره انقسام ایدركه بونلرك اك قوتلیسی قالكوته واسطه+سیله شاند رناغوره کچن هوقلی شعیه+سیدر آندن صكره دخی صاغ طرفنده غالینادی جمناه و صول طرفنده رامقانقا و سائر نهرلرله برلشه+رك بر آغزله بحر محیطه دوكیلور. طول مجراسی اوچ بیك كیلومترو اولوب انصباب محلنه یقین یرلرده درت و بش كیلو مترو عرضی و دكزه سكز لوز مترو یاقلاشدیغی محللردن اعتباراً اشاغیلرده اون مترو عمقی واردر و ایکی بیك كیلومترویه دكین محللری قابل سیر و سفردر هر سنه نیسان و تموز آیلرنده ایكی دفمه فیضان ایدر و حین فیضاننده صولری یوز میل مسافه+یی بصار هندلیلرك نظرنده غانژ بر مقدس نهردر بوكا نسبتله بر آلهه+لری وار ایدی و غانژ نهرینك صولرینی مذهبلرینك اك عالی رسومنی اجرا ایچون صاقلرلر و صوییله مادة تمیزلندكلری كبی معناً دخی تطهر ایچون ییقانورلر ایدی اعتقادلرنجه بوراده بوغلمق رحمت دكزینه غرق اولمقله برابرایمش