لغات تاریخیه و جغرافیه

Lugat-ı Tarihiyye ve Coğrafiyye

غامه / واسقودغامه

Gama / Vasko dö Gama

غامه یاخود (واسقو دغامه) — پورتكیزلی مشهور بر سیاح بحریدر (١٤٦٠ م و ٨٦٥ ه) تاریخنده پورمكیزده سنیز لیماننده فلك وجودی لنكرانداز ساحل شهود اولدی مرقوم (١٤٩٧ م)ده امانویل نام قرال طرفندن پارتلمی دیاس معرفتیله اولجه كشف اولنان امید برونی جهتندن هند یولنی بولمغه مأمور اولمغله سنۀ مزبوره ظرفنده امید بروننی كچوب بیك تهلكه+لردنصكر (١٤٩٨ م)ده قالكوته اوكنه واصل اولدی و بر سنه صكره عودتنده موفقیت مذكوره+سندن طولایی امانویل طرفندن بیوك حرمتله قبول اولنوب هند آمیرالی و (ویدیكیره) قونتی عنوانلرینه مظهر ایدلدی و (١٥٠٢ م)ده اون طقوز سفینه ایله تكرار عزیمت و آفریقای شرقینك بر قسم سواحلنی مجبور اطاعت و تجارت و سائره+جه بر طاقم تأسیسات نافعه+یه همت ایلدكدن صكره (قانانور) نام قرال ایله معاهده یاپوب قوشنه دكین داخل و بو مملكت راچەسنك دخی اتفاقنه نائل اولدی. لیزبونه عودتنده مكافاة غریبه اوله+رق كندوسنی یكرمی بر سنه ایشسز براقدیلر نهایت (١٥٢٤ م)ده (ویس رووا) یعنی قرال وكیلی عنوانیله اوچنجی ژان طرفندن تكرار هنده كوندرلدیسه ده وصولندن براز صكره قوشنده وفات ایلدی. واسقود غامه سفرینك تاریخی (باروس) نام مورخ طرفندن یازلشدر