لغات تاریخیه و جغرافیه

Lugat-ı Tarihiyye ve Coğrafiyye

غالیله

Galile

غالیله — ائمۀ فن هیأتدندر (١٥٦٤ م و ٩٧٢ ه)ده طوسقانه غراندوقه+لغی مطحفاتندن (پیزا)ده تولد ایلدی غایت ذكی و فطین كیمسه ایدی تحصیل علومدن صكره اولا پیزا مكتبنده ریاضات خواجه+سی و مؤخراً وندیكه هجرتله (پادوآ) مكتبنده اون سنه ایچون معلم نصب اولنوب ١٦٠٢ده مكتب مذكور ایله اولان مقاوله+سی ختام بولمغله وندیك سناتوسی كندوسنه قید حیاة شرطیله بیك فیورین معاش اعطا و پادوا مكتبی نظارتنی تفویض ایلدی. مؤخراً فلورانسه مكتبنده علوم ریاضیه برنجی خواجه+لكنه كیدوب بو صره+ده كرۀ شمسك استقراری وكره ایله اجرام سائره+نك اطراف شمسده دورانی حقنده (قوپرنیق) طرفندن میدانه قونیلان قول حكیمانه+یی بر اهین ریاضیه ایله اثبات و اشاعه ایتمكله بیكلرجه سنه+دن برو ارض ثابت شمس متحرك اعتقادینه خادم كچینان كروه رهابین طرفندن شدتله تكفیر اولنمغه باشلادی بناءعلیه (١٦٣٣ م و ١٠٤٣ ه) تاریخنده رومایه دعوت اولنوب مواصلتنده انكیزیسیون سراینه حپس اولندی و نهایت بر دها بو مثللو ادعالرده بولنمیە+جغنه پاپانك دلخواهی وجهله یمین و استغفار ایدوب حالبوكه هنوز محل استغفاردن كیدركن ینه بر درلو كندوسنی ضبط ایدە+میه+رك (هر حالده دونان كرەدر) دیو ایاغنی یره اوردی
بوندن صكره بر مدت دها روماده محبوس قالوب مؤخراً فلورانسه جوارنده+کی صیفیه+سنده اقامته (نزدینه هیچ كیمسه+یی قبول ایتمامك شرطیله) مأذون اولدیسە ده مراقندن كوزلرینه عمی طاری اولەرق او حال اسف مأل ایله (١٦٤٢ م و ١٠٥٢ ه) تاریخنده یتمش سكز یاشنده ترك محنتخانۀ فنا ایلدی