لغات تاریخیه و جغرافیه

Lugat-ı Tarihiyye ve Coğrafiyye

غالوانیزما یالدیزی

Galvanizma yaldızı

غالوانیزما یالدیزی — الكتریق سببیله طوزلرك حل اولنه بیلدیكی كشف اولنمزدن اول یالدزلر جیوه واسطه+سیله یپیلور ایدی یعنی التون ایله جیوه قارشدیریلەرق حصوله كلان مخلوط یالدیزلنەجق باقر پارچه+لرك اوزرینه سورلدكدن صكره پلرچە+لر قزدیریلور و بو اثناده جیوه تبخر ایتمكله مخلوطده بولنان آلتون زار شكلنده پارچه+نك اوزرنده قالور ایدی فقط بو اصول هم بهالی همده تهلكەلی اولدیغندن شمدی (غالونیزما یالدیزی) اصولی قوللانمغه باشلامشدر. بو اصول اولا (١٨٠٣ م و ١٢١٨ ه) تاریخنده كشف و مؤخراً اكمال ایدلدی
شویله كه یالدیزلنە+جق باقر پارچه+لر اوزرلرنده بولنه+بیله+جك مواد دهنیەیی ازاله ایچون اتشه كوستریلور و بو اثناده باقر پارچه+لرك سطحلرنده حصوله كلەجك حمضلرك دخی ازاله+سیچون پارچه+لر قزغین اولدیغی حالده صولی (آسید آزوتیك) ایچنه طالدیریلوب بعده صو ایله ییقاندقدن صكره مساوی مقدارده (آسید آزوتیك) ایله ( آسید سولفریك)دن مركب بانیو دروننه و تكرار بر مقدار طوز علاوه ایدلمش (آسید آزوتیك) بانیوسنه آتیلوب چیقارلدقده ماء مقطر ایله ییفانور
یالدیزلنه+جق پارچه+لر وجه مشروح اوزره حاضرلندقدن صكره اوچ و نهایت درت بولمش ویا ذیل طاقمندن مركب بر منظومه+نك منفی ناقلنه تعلیق و (غالوانو پلاستی)ده تعریف اولندیغی كبی ترتیب اولنەرق التون بانیوسنه وضع و یالدیزك مطلوب اولان قالینلغی نسبتنده بانیوده الكتریق تأثیرینه ترك اولنور
التون بانیولری تركیبجه پك مختلف یاپلمقدەدر فقط اك زیاده مستعمل اولانی بر درهم قلور ذهب ایله ایكیوز درهم صوده حل اولنمش اون درهم (سیانور دوپوتاسیوم)ی یوز اللی درهم ماء مقطر دروننده حل ایدوب کثافتنی دخی ثابت طوردیرمق ایچون قطب مثبت طرفنده+كی باقرلو حه+نك یرینه بر آلتون لوحه تعلیق اولنمقدر
كموش و تونج و صاری باقر دخی بو اصول أوزره یالدیزلنوب تیمور چلیك توتیا قلای قورشون لایقیله یالدیزلنەمز