لغات تاریخیه و جغرافیه

Lugat-ı Tarihiyye ve Coğrafiyye

غالوانیزما

Galvanizma

غالوانیزما — حكمت طببعیە+نك بعض اجسامك تماسلرنده ظهوره كلان آثار الكتریقیه+یی ییلدیرر قسمنه تعبیر اولنور. (١٧٨٩ م و ١٢٠٤ ه) تاریخنده فرانسه+ده پولونیا حكیمی غالوانی نام طبیب بعض تجربه+لر ایچون حاضرله+مق ایستدیكی قوربغالری تصادفی اولەرق بالقونه مربوط تیمور چنكللره (لومیر) دنیلان سكرلریله عمود فقاری ارەسندن كچیرە+رك اصمش و بو ترتیب اوزره آصیلان قوربغالرده اولدكلری و اعضالری كسلدیكی حالده عضلاتلرنده شدتلی بعض حركتلر كورمش و بو حركتلری كندو نامنه نسبتله (غالوانیزما) تعبیر ایلدیكی بر سیالۀ مخصوصه+نك حصولنه عطف ایلمشدر لكن مؤخراً (الكتریق باتأثیر)ده كوریلنن آثار ایله (غالوانیرما) اثرینك اسباب حصولنده مشابه تامه اولدیغی بالتجربه مرتبۀ ثبوته واردیغی كبی صكره+ری الكتریق پیلی ایله الكتریق مقناطیسی دخی كشف اولندیغندن (غالوانیرما) آثارینه دائر كشفیات فوق العاده ایلرولیەرك (غالوانیرما) اصولی اوزره (یالدیز) و (تلغراف) و (غالوانوپلاستی) یاپلمق و الكتریقی محرك یرینه قونلمق و صوقاقلری تنور ایتمك كبی مهم تطبیقاتی وجوده كتورلمشدر