لغات تاریخیه و جغرافیه

Lugat-ı Tarihiyye ve Coğrafiyye

غالوانوپلاستی

Galvanoplasti

غالوانوپلاستی — طوزلرك الكتریق پیللری واسطه+سیله اصول حلندن مستخرح غایت مهم بر تطبیقات صناعیه+در بوده معادنك ملمس محلوللرینی غایت آغر ایشلر الكتریق پیلی واسطەسیله ترسیب ایدرك معادن مذكورویی اصاغه ایتمكدن عبارت اولوب (١٨٣٨ م و ١٢٥٤ ه)ده انكلتره و روسیه+ده ایجاد اولنمشدر
غالوانوپلاستی واسطه+سیله بر اویمە+نك عینی آلنمق استه+نلدیكی حالده ابتدا مذكور اویمه+نك قبارتمه اولەرق بر قالبنی ایدنمك لازم كلور بونك ایچون اكر قالبی النەجق اویمه معدندن ایسه بش قسم قورشون سكز قسم پیزموت و اوچ قسم قلایدن بر خلیطه یاپیلوب مذكور خلیطه بر قاب دروننده اذابه ایدلدكدن صكره تصلبه باشلادیغی اثناده قالبی النەجق اولان اویمه مذكور خلیطه داخلنه براز یوكسكدن و غایت دوز براغیلوب صغوینجە+یه قدر قملداتمیه+رق ترك اولنور و صغودقده جزئی بر ضربه ایله قالب آیریلور
بروجه مشروح یاپیلان قالبی الكتریق پیلنك منفی قطبنە ربط ایدیله+جك اولان باقر تل مذكور قالبه صاریلور بعده مذكور تلك صارلدیغی محل ایله و قالبك ترسنه غایت اینجه بر بال مومی طبقه+سی سوریلور ایشته قالب بروجه مشروح حاضرلندقدن صكره اكر اویمه باقر اوله+جق ایسه صو ایله درجۀ اشباعه كتورلمش (سولفات دوكویور) ایله طولو بر قاب النوب بو قابك اوزرینه اوزادلمش صاری باقردن ایكی عدد چبوغك بری بولمش پیلنك منفی قطبنه دیكری مثبت قطبنه ربط و منفی قطبه ربط اولنان چبوغه قالب و دیكر چبوغه ده بر باقر لولحه تعلق اولنور. جریان الكتریق تأثیرینه قرق سكز ساعت ترك اولننجه قالبك اوزرنده قالینجه بر باقو طبقه+سی حصوله كلوركه قالب محلول درونندن چیقارلدقده اوزرنده حصوله كلمش اولان باقر قولایلقله آیریلور آلنور شوقدركه مذكور باقر طبقه+نك قالبه یاپشما مسیچون قالب محلول دروننه صوقلمزدن اول خفیفجه یاغلی بر جسمه سورلمش فورچه ایله فورچه+لنملیدر. اكر اویمه آلچیدن اولورایسه قالبنی المق ایچون یتمش درجه حرارتده اریدلمش (سته آرین) بانیوسنه طلدیریلور (ستە آرین) آلچینك مساماتنه نفوذ ایدرك اویمه درعقب قورر. بانیودن چیقاریلان اویمه قوریدقده یومشاق بر فورچه ایله اوزرینه (پلومباژین) دنیلان ماده سوریلوب مقوا ایله صارلدقدن صكره ایصلادلمش (سته آرین) اوزرینه براغیلوركه مذكور (سته آرین) تصلب ایدنجه اویمه+یی عینیله آلور. بروجه مشروح حصوله كلان قالب اوزرینه تكرار (پلومباژین) سورلدكدن صكره اولكی كبی (سولفات دوكوور) داخلنده الكتریق تأثیرینه براغیلور