لغات تاریخیه و جغرافیه

Lugat-ı Tarihiyye ve Coğrafiyye

غالاتیه / غاللوقراسیا

Galateya

غالاتیه یاخود (غاللوقراسیا) — شمدیكی انقره و كنغری ًسنجاقلرندن عبارت بر قطعۀ قدیمه+در شمالا بیتنی و پافلاغونیا غرباً فریژی شرقا پونت جنوباً قپادوقیا ایله محدود اولوب خالیص و سقاریه نهرلریله اسقا اولنور ایدی (٥٣١٦ خ) تاریخنده یعنی میلادك ایكیوزیتمش سكز سنه مقدمنده آسیایی استیلا ایدن غولوالیلر و یونانیلرك اختلاطندن ناشی غاللوقر اسیا نامنی المشدر
غلاتیە+لیلر سوریه حكمداری برنجی انتی یوخوسه قارشو بیتنی جکمداری برنجی نیقومیده معاونت ایتدكلرندن حكمدار مومی الیه طرفندن واسع بر قطعۀ اراضی+یه نائل اولدیلر و آسیای صغراده یاپمش اولدقلری فتوحات مناسبتیله دخی ملكلرینی توسیع ایلدیلرسە ده (٥٤٥٠ خ) تاریخنده یعنی میلادك یوز سكسان طقوز سنه مقدمندن یوز سكسان سنه مقدمنه قدر مانلیوس وولسو نام روما قونسلی طرفندن مغلوب ایدیلوب مؤخراً ٢٥ میلاد مقدمنده اوكوست طرفندن تماماً روما ایمپراطورلغنه الحاق ایدلدیلر. غلاتیە+لیلر قومیت اعتباریله شرقده ترو قوملر جنوب غربیپده تولیس توبویلر شمال غربده تكتوزاژلر نام اوچ فرقۀ اهالیدن مركب اولوب مقر حكومتلری انقره شهری ایدی استانبولك قارشوسنده اولان غالاتیه (غلطه) استانبولك فتحی زماننه دكین جنوبزلرده اولدیغی حالده فتحدن بر قاچ سنه صكره بلا محاربه دولت علیەیه ترك اولندی غلطه قله سی (١٤٤٦ م و ٨٥٠ ه) تاریخنده جنویزلر معرفتیله انشا اولنمشدر