غال یاخود (نوووغال) — انكلیز امریقاسنده بر جسیم
شهردر شرقاً هودسون دكزی شمالاً شترفیلد كورفزی غرب و جنوب
غربیده روشو طاغلرینك شعبه+لری جنوباً قناده ایله محدوددر ایكیبیك ایكیوز
كیلومترو طولی و درتیوزاللی كیلومترو عرضی اولوب میسسپی نام نهر اشبو
قطعه+یی نوووغال جنوبی نوووغال شمال ناملرله ایکی+یه تقسیم ایدر
اهالیسی قرق بیك راده+سنده+در هواسی سرت و فقط صاغلام اولوب بعض
محللرندن قطع نظر اراضیسی منبتدر و الیوم قناده والیلكنه تابعدر
غال جدید جنوبی — آوسترالیا قطعه+سنك شرقنده انكلیز مستملكات وسیعه+سندن بریدر طولی یورق بورنندن ویلسون بروننه قدر امتداد ایدر ( ١٨٠٢ م و ١٢١٧ ه) تاریخنده اون اوچ بیك اهالیسدن زیاده نفوسی
اولمیان اشبو قطعه الیوم اوچ یوزبیك نفوسی جامع اولوب بونلرك اك بیوك
قسمی قدیم منفیلرك انسابندندر. مقری (سیدنی) و باشلیجه ممالكی پاراماته
باتورست پورتماقاری غول بورنی میتلاند شهرلریدر و داخلی آز معروف اولوب
سواحلی غایت كیرنتی و چیقینتیلی و هواسی زیاده صیجاقلغیله برابر صاغلام
و قوۀ انباتیه+سی بر وفق مرامدر اهالی ایسه مملكتلرنده التون معدنی
كشف اولونه+لیدن برو كون بكون فوق العاده ترقی ایتمكده+درلر