احاب — ملوك اسرائیلیه+دندر. (٤٦٧٨ خ) تاریخنده
یعنی میلادك طقوز یوز اون التی سنه مقدمنده سامریه+ده تختنه جلوس
ایتدكدنصكره (صیدون) ملكنك قزی (یزابلی)یی تزوج و انك تشویقیله
پتپرستلكی قبول ایدوب بر بعل هیكلی و بر معبد یاپدیردی و بو معبده كیدوب
بعله پرستش ایتملریچون یهودیلری صیقشدیردی و مدت سلطنتی اولان اون
سكز یاخود یكرمی سنه ظرفنده پتپرستلكی منعه چالیشان پیغمبران عظام
و صلحای امتدن برچوق ذواتی اعدام ایتدیردی لكن كندوسیده بر رفاه
كوره+مدی و سوریه لیلرك تعرض و هجومندن كوز آچه+مدی و اك
صكره اظهار ندامت و استغفار ایلدیسه ده اه اعلم قرین قبول اوله+مدی
و عاقبت بر محاربه+ده قتل اولنوب كلپلر قاننی یالادی.
)اخاب بن قولایا) یهودا ملكی صدقیا زماننده نبوت دعواسنه قالقشمش
بر كاذبدر. بابل حكمداری بحت نصر بونی مأسوراً بابله كوندروب ملك
صدقیا ایله برابر آتشده یاقدی