اخنف بن قیس — فصحای عربدن و سادات تابعیندندر هرنقدر
زمان سعادتده شرف اسلامله مشرف اولدیسه ده مدینۀ منوره+یه كلوب مجلس
نبویده بولنه+مدیغندن زمرۀ جلیلۀ اصحاب كرامه داخل اوله+مامشدر. بو
ذات بنی تمیم قبیلۀ جسیمه+سنك رئیسی و عراق والیلرینك ندیم خاصی ایدی
غایت عاقل و مدبر و جسور اولدقدن بشقه سویلدیكی سوزلر كاملاً عقل
و حكمته موافق و نصیحتی فوق الغایه مؤثر اولدیغندن استدیكی حالده باشنه
یوزبیك مسلح ادم جمع ایده+بیلورایدی. وفاتی (٦٨٦ م و ٦٧ ه) تاریخندە+در