احمد پاشا هرسك زاده — عصر بایزید خان ثانی و سلیم خان
ثانیده درت دفعه یدی ییل صدارت ایتمش بر وزیر ذیشاندر. سلطان محمد
خان ثانی حضرتلری (١٤٦٢ م و ٨٦٧ ه) تاریخنده نقض عهد ایدن بوسنه
پرنسنی تأدیب و ملكنی ضبط ایتدیكی صره+ده هرسك ولایتنی دخی استیلا ایتمش
و هرسك پرنسی استفان ملكنه بر دها مالك اوله+میه+جغنی اكلادیغندن اوغلنی
برچوق هدیه+لرله خاكپای شاهانه+یه كوندروب ملكنك نصفنی استرحام ایتمش
و ذات شاهانه دخی مومی الیهك حال شیخوختنه حرمةً اوغلنی رهن كبی
آلیقویوب ملكنك نصفنی اعاده و احسان بیورمشیدی اشته بو چوجق
سرای همایونده خیلی زمان تربیه اولدقدنصكره بالاستحقاق رتبه وزارت
و صهریته نائل اولدی و هرسك زاده احمد پاشا نامیله شهرت بولوب آخر
عمرینه قدر دولت علیه خدماتنده بولندی. وفاتی (١٥١٤ م و ٩٢٠ ه))
تاریخندە+در.