ابرحیم بن ادهم كنیه+سی (ابو اسحق) مولدی (بلح) تاریخ وفاتی
٧٧٨ م و ١٦٢ ه) مشارالیه بلخ ابنای ملوكندن اولدیغی حالده ترك
آرزوی سلطنتله زمرۀ اولیای كرامه داخل اولمش بر ذات ستوده سماتدر .
آوده طاوشان قوغالار ایكن یاخود غایت مكلف بر یتاق ایچنده یاتوب زمرۀ
صالحینه التحاقك طریقنی دوشینور ایكن هدایت الهیه ایریشوب ارشاد
بیورلدیغندن همان عیال و منالنی ترك ایدرك راه حقه سلوك ایلدی و براز
مدت بلخ طاغلرنده انزوا و طقوز سنه نیشابورده بر مغاره+ده عبادات و طاعاتله
تحصیل رضا ایلدكدن صكره مكۀ مكرمه+یه كلدی و امام باقر و امثالی ذوات
كرام ایله كورشدی و بر آرالق تدارك طیب ایچون شام شریفده باغ بكجیلكی
ایتدی و اک صكره لازقیه+ده وفات ایدوب (جبلۀ ادهمی) دنیلان محله دفن
اولندی. رحمة اه علیه
حضرت مشارالیهك بلخده رحم مادرده براقدیغی مخدومی بیویوب پدرینی
كورمك آرزوسیله و والده+سی و برچوق خدم و حشمیله مكۀ مكرمه+یه كلمشیدی
بابا اوغل بربرینی هیج كورمدیكی حالده حضرت ابراهیم اثنای طوافده
چوجغی طانیوب مریدلرینه اه اعلم بو چوجق بنم اوغلم اولمق كركدر زیرا
كوكلم پك زیاده میل ایتدی دیمسیله مریدلر كیدوب چوجغی كتوردیلر
و چوجق باباسنی كوردیكی كبی فوق الغایه بر مسرتله ایاقلرینی تقبیل ایتدكدن
صكره یاننه اوتوردی و ارتق اوكسوزلكه تحمل ایده+میه+رك والده+سیله برابر
كلدیكنی و برلكده عودت رجاسنده اولدیغنی كمال سوز و كداز ایله سویلدیسه ده
پدرندن مأمولی كبی التفات و جواب اله+مدی و آرە+دن براز مدت كچدكدن صكره ابراهیم بن ادهم حضرتلری كمال حزن ایله اللرینی قالدیروب (ای خالق
انس و جان حالم سكا عیاندر بو چوجق كوكلمده بر یر طوتاجق اولورایسه
عاقبتم خسراندر سندن امیدم لطف و احساندر) دیو دعا ایتدیكی كبی
چوجق رحمت رحمانه واصل اولدی. دیكر بر روایته كوره ابراهیم بن ادهم
حضرتلری بلخده دنیایه كلمیوب والده+سی ادای حج ایچون مكۀ مكرمه+یه
كلدیكی زمان دنیایه كتورمش و اثنای طوافده (یاربی بو چوجغی زمرۀ
صالحینه الحاق ایله) دیو دعا ایتمشدر.