عكا — قدس شریفك یوز یكرمی كیلومترو غرب شمالیسنده
و ساحل بحرده یكرمی بیك نفوسی حاوی بر معروف شهردر وقتیله قلعه+سی
كبی لیمانی دخی مشهور ایدیسه ده صكرە+دن طولمش اولدیغندن سفینه+لر
الیوم حیفا اوكنده و خیلی آچیقده طوررلر
عكا صلیبیون محاربه+لرنده پك چوق هجومه مقاومت ایتمش و (١٠١٤ م
و ٤٠٥ ه)ده اجنبیلر النه كچوب ینه استرداد اولنمشدر متغلبۀ مصریە+دن
طاهر عمر و (جزار) نام ذوات برر مدت معینه و نیم استقلال ایله بوراده
ادارۀ حكومت ایلدیلر و (١٧٩٨ م و ١٢١٣ ه)ده فرانسه جنرالی
بوناپارت التمش درت كون محاصره ایدرك بیهوده برچوق تلفات ویردكدن
صكره ضبط ایلدیسه ده درون شهرده طوره+مدی و (١٨٤٠ م و ١٢٥٦ ه)ده
دولت علیه+یه مخالفتده بولنان مصر والیسی محمد علی پاشا یدندن قورتارمق
اوزره انكلیزلر طرفندن طوپه طوتیلوب بر جهتی منهدم اولدیغی حالده
اخذ و تعمیر ایدلدی عكا حوالیسنده پك چوق اورمان واردر بوراسی
مقدملری (عاكیر) (ژان داقر) (عاکكو) (پتولمیا) كبی مختلف ناملرله
یاد اولنور ایدی