لغات تاریخیه و جغرافیه

Lugat-ı Tarihiyye ve Coğrafiyye

عقیبه / ربینی

عقیبه یاخود (ربینی) — یهود علماسندندر قدس شریفده یكرمی درت بیك طلبه+یه درس ویرمش ایمش قدس اهالیسنك حامیلری اولان رومالیلره قارشو چیقاردقلری اختلالده مومی الیه محرك ظن اولندیغنه بناءً (بیثار) شهرینه فرار ایتمشیدی روما عسكری قدسی تخریب وبرچوق معتبرانی قتل و تغریبدن صكره ذكر اولنان بیثار شهرینه كیدرك حاكمنی اخذ و كرفت ایتدكلری صره+ده معلم مومی الیهی دخی یقالیوب دیری دیری چنكاله آتدیلر مدت عمری یوز یكرمی سنه و اعدامی (١٣٦ م) تاریخیدر خلقته دائر بر كتابی واردر بوكا یهودیلر ابو المفسرین دیرلر