عطاء بن صیفی — بلغای عربدن مشهور بر ذات اولوب بر نظمده
تهنیه ایله تعزیه+یی جمع ایدن شعرانك اولیدر ملوك امویه+دن بر ذاتك
فوتنده جانشینی اولان اوغلنه (زریت خلیفة الله) خلیفة اللهك فوتیله مصاب
اولدك و (اعطیت خلافته الله) و خلافته الله سكا اعطا اولنمش اولدی یعنی
خلیفه اولدك (قضی فلان نحبه) فلان یعنی پدرك مدتنی بتوردی (فغفر الله
ذنبه) حق تعالی صوچنی یارلغه+سون (وولیت الریاسة) سن ریاستی
تولیه ایتدك یعنی خلیفه اولدك (وكنت احق بالسیاسة) سیاست و تدبیر ملكه
اهل اولدیغك حالده (فاحتسب عند الله اعظم الرزیۀ و اشسكرالله علی
اعظم العطیة) ارتق عند الله اعظم مصیبتی یعنی رعایایه تعدی اولنوب
اولنمدیغنی كوزەدوب عدل ایت و اعظم عطیه اولان خلافت و ریاست
اوزره حق تعالی+یه قولاً و فعلاً و قلباً شكرایله دیو تمنی و تعزیه ایدوب بعده
صبراً امیر فقد فرقت ذامقة * فاشكر حباء الذی بالملك اصفاكا
لارزء اعظم فی الاقوام قد علوا * كما رزئت ولا عقبی كعقاكا
اصبحتراعی اهل الارض كلهم * فانت ترعاهم و الله یر عاكا
ابیاتنی نظم ایلدی که مألی ای جالس سرمسند امارت اولان ذات سن سكا
زیاده محبت ایدندن مفارقت ایلدك بو مفارقته صبر ایت و سنی ملك ایله
صفایاب ایدن باری تعالی+یه شكر ایله جملە+نك معلومی اولدیغی اوزره
قوم ایچنده سنك مصیبتك كبی عظیم مصیبت یوقدر و سنك عقبلیوب
وار اولدیغك دولت كبی دولت دخی یوقدر زیرا اهل ارضك
جمله+سنه راعی و نكهبان اولدك اشته انلره اولان ظلم و عداوت آخرتده
سندن مسئول اولدیغی جهتله حقلرنده رأفت و شفقت كوسترملیسن كه
حق تعالی دخی سكا عاجلاً و آجلاً احسان ایده دیمكدر