عضد الدین ایجی — اسمی عبدالرحمن بن احمد بن عبدالغفاردر
اجلۀ علمای شافعیە+دن بری اولوب معقولاتده امام و اصول و معانی
و عربیت+ده مقتدای انام ایدی یدنجی عصر هجری او اخرنده ساحه زیب
وجود و نیجه مالك قاضیلكلریله بكام و مسعود اولدی و تلامذە+سندن پك چوق
ذوات نشأت ایلدی كه كندوسندن صكره هر یری عصرلرینك مابه الافتخاری
اولدیلر شیخ شمس الدین كرمانی و سیف الدین ابهری و علامۀ تفتازانی
و ضیاء قریمی او جمله+دندر
مشارالیه مؤخراً بعض احواله مبنی كرمان امیر بی امانی طرفندن قلعه بند
ایدلمكله (١٣٥٤ م و ٧٥٦ ه) تاریخیده محبوساً وفات ایلمشدر
متن (مواقف) و شرح (مختصر ابن حاجب) و (فرائد غیاثیه) و رسالۀ (وضعیه) كزیدۀ آثار لطافتشعارندندر