احمد بن طولون — ملوك مصریه+دندر. مرقوم طولون
تركستانده اویغور قبیله+سندن اولدیغی حالده هجرتك ایكیوز تاریخنده بخارا
والیسی (نوح بن اسد) طرفندن كوله اولمق أوزره خلیفه (مأمون)ه
اهدا اولندی و اوغلی اشبو احمد سامراده بر تركی جاریه+دن دنیایه كلوب
(٨٦٩ م و ٢٥٦ ه)
تاریخنده خلیفه مهتدی طرفندن مصر والیسی اولان
ماجور)ه داماد اولدی و مصرده متسلم ایكن قائن پدری وفات ایتدیكی
كبی سوریه+یی دخی جلبله مصرده استقلالنی اعلان ایلدی و نامنه خطبه
اوقوتدی و حضرت معاویه+نك اوزرینه قوجامان بر قبه یاپدیرتدی و طرسوس
و حما و حمص و حلب و حران بلادینی حرباً آلدی و استانبول ایمپراطوری
(٨٨٣ م و ٢٧٠ ه)
تاریخنده یوز بیك عسكر كوندروب طرسوسی استرداده
چالشدیسه ده ممكن اوله+مدی و بالعكس مغلوب و برقاچ جنرالی مقتول
اولدیغی حالده عسكرینك انجق اونده اوچی تخلیص كریبانه ایده+بیلدی
احمد بن طولونك اخلافی یكرمی اوچ سنه استقلالنی محافظه ایده+بیلمش و عاقبت
ینه مركز خلافتی طانیمغه مجبور اولمشدر