لغات تاریخیه و جغرافیه

Lugat-ı Tarihiyye ve Coğrafiyye

عشاق

'Uşak

عشاق — كوتاهیە+ده بر قضا مركزیدر بروسه+یه اللی درت و نفس كوتاهیە+یه یكرمی ایكی ساعت مسافه+ده بولنور منقسم اولدیغی درت ناحیەدن بشقه اوله+رق اون اوچ بیك ایكی یوز مقداری نفوسی واردر اراضیسی محصولدار و قالیجه تجارتی مشهوردر
بوراده ارككلر اوچ درت قاری المق و قاریلر بره قناعت ایدن ارككلری عیبلمق عادت حكمنده ایمش سببی ایسه قادینلرك قالچه طوقومقده زیاده معین بولوب چوق ایش چیقاره+بیلمسی امیدینه مبنی ایمش طائفۀ نسانك همان عموم حكمنده اولان رقابت طببعیە+لرینه قارشو اشبو حال صحیح ایسه عشاقه عشق اولسون زیرا ارككلری ایكی یوزدن كارلی بولنورلر
بزه كوره
بر اوده دوزن اولسه دوزن اولمز او اوده
مانندۀ توأم ایكیشر در ایكی شر