لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
عسیر
'Asîr
عسیر — یمنده یمن جبال سراسنك بعض محللریله تهامه اراضیسنك بر مقدارندن متشكل و (ارض طود) و (ارض چرش) ناملریله ایكی قسمه منقسم اولان سنجاغك اسمی اولوب مركزی (محائل) شهریدر قسم اعظمنه (غز) دخی دنیلور و الیوم عسیر (صبیا) (رجال اللمع) (قنفده) (بنی شهر) (غامد) نام بش قضایه تقسیم اولنور اراضیسی یمن قطعه+سنك سائر محللری كبی بر كوزل قوۀ انباتیه+یی حاوی و تهامه+سنده اولان وادیلرك بعضیلری صوسز ایسه ده ماعدا یرونده لطیف صولر جاریدر و ضمغ محصولاتی زیادەدر و اكثر ساحللرنده بیوك كوچك طوزلە+لر بولنور و مواشیدن دوه قیون كچی اوكوز اینك بسیلنور (یمن) كلمه+سنه دخی مراجعت بیوریله
عسیرده سواحله یقین محللر اهالیسی مستثنا اوله+رق ماعدا جبال اهالیسی كاملاً سفك دمایه مجبور و خشین و جبار اولورلر ختانلری خارج از دائرۀ انسانیت چوجق+لرینك آلت تناسللرینك یوقاریدن اشاغی دریسنی یوزمكدن و بو صورتله نیجه بیچاره كنجلرك شجرۀ حیاتنی كوكندن قطع ایتمكدن عبارتدر و اكثر اقوام عرب دأبی اولدیغی اوزره بونلرك دخی الان بینلرنده قان دعواسی جاریدر
Daha fazla bilgi için:
TDV İslâm Ansiklopedisi