لغات تاریخیه و جغرافیه

Lugat-ı Tarihiyye ve Coğrafiyye

عزیر

'Üzeyir

عزیر علیه السلام — نبوتی مختلف فیه فضلای بنی اسرائیلدندر بیله نفی اولنان معتبران قدس ایله برابر كیدوب (٥١٢٩ خ) تاریخنده یعنی میلادك درتیوز التمش بش سنه مقدمنده ینه بقیۀ بنی اسرائیل ایله قدسه عودت ایلدی یهودیلر بابلده ایكن خط كلدانی+یه الیشوب خط عبرانی+یی فراموش و نسخ توراتی ضایع ایتدكلرندن مشار الیه تورات شریفی حفظندن قرائتله یهودیلره بیلدكلری خط كلدانی ایله ضبط و تحریر ایتدیردی یهودیلر حضرت عریرك بو وجهله توراتی اونوتمایشنه كمال تعجبلرندن (هذا ابن الله) دیدیلر مؤخراً اشبو كلدانی تورات دخی ضایع اولمشدر
ولادت داود علیه السلامدن وفات عزیره قدر كذران ایدن زمانك مقداری بش یوز التمش درت سنه ایدوكی مرویدر
حضرت عزیرك اواخر ایامنده شامدن فرس اداره+سی قالقوب یرینه ادارۀ یونانیه قائم اولمشیدی