لغات تاریخیه و جغرافیه

Lugat-ı Tarihiyye ve Coğrafiyye

عزت منلا

'İzzet Molla (Keçecizâde)

عزت منلا — كیچه+جی زاده دیمكله مشهور بر شاعر بلیغدركه عصرینك رئیس الادباسی ایدی صدور عظامدن صالح افندینك مخدومیدر غلطه منلاسی ایكن وكلای دولتدن حالت افندینك غمزیله كشانه نفی اولنمش و ینه مظهر عفو اوله+رق استانبول پایه+سنه چیقمشیدی مؤخراً یعنی (١٨٢٩ م و ١٢٤٥ ه) تاریخنده روسیه محاربه+سنك صلحله برطرف ایدلمسی طرفنده بولندیغنه و اول بابده بر لایحه دخی تقدیم ایتدیكنه بناء سیواسه نفی اولنوب تاریخ مزبور خلالنده اوراده وفات ایلمشدر بری (بهار افكار) دیكری (خزان اثار) نامیله ایكی دیوانی و (محنتكشان) و (كلشن عشق) نامیله ایكی منظومۀ معجز بیانی واردر