عروض — شعر ایچون معتبر اولان اوزانك احوالندن بحث
ایدر بر علمدر و اساساً موضوعی الفاظ عربیە+در بو علم احوال اوزاندن
بحث ایتدیكنه كوره فروع علم موسیقیدن و موضوعی الفاظ عربیه اولده
یغنه كوره فروع علم شعردن صاییلور و اكر مذهب متأحرین اوزره تعریفده
ذكر اولنان اشعار اشعار عربیه اولمق اعتباریله دخی مقید بولنور ایسه
علوم ادبیه فروعندن اولور زیرا مطلقا علم ادبك موضوعی كلام عربدر
علم عروضك غایتی كلامی ایقاعات یعنی تقطیعات معتبره اوزره ایرادده
خطادن احترازدر علم موسیقیده معتبر اولان مقاماتك خطا و صوابنی
بیلمك ایچون موضوع اصوله عربلر (ایقاع) دیدكلری كبی عروضده معتبر
اولان بحورك صحت و خطاسنی بیلمك ایچون موضوع تقطیعه دخی حسب
المشابهة (ایقاع) دیمشلردر
علم عروضك اول واضعی خلیل بن احمددر اشعار عربی+یی تتبعله اون
بش وزنه حصر و هربرینی برر بحر عد و بحور مزبوره+ده اوتوز درت عروض
و التمش اوچ ضرب اعتبار ایدوب علل زخافاتدن دخی یكرمی اوچ علت
بسط و ارائه ایلدی
بو فنی واضع مومی الیهدنصكره تهذیب ایدن (جوهری) اولوب (احفش)
دخی متدارك نامنده بر بحر علاوه ایلمشدر