احمد جلایری — عراق حكمدارلرندندر .تیمورلنكك
ممالك ایرانیه+یی استیلایه باشلامسی اوزرینه آذر بایجان حكمداری قره یوسف
تركمانی اوركوب بغدادده بولنان اشبو احمد جلایری نزدینه فرار ایتمش و تیمورلنك
مؤخراً اورالره دخی صارقدیغندن (١٣٩٧ م و ٨٠١ ه) تاریخنده ایكیسی
بردن مصره قاچمشیدی مصر حكمداری سلطان (برقوق) ابتدا بونلره
حرمت و رعایت ایدوب صكره تیمورلنكك اشعار و طلبنه مبنی چهره+یی چویردی
و مومی الیهما دخی اورادن بروسه+یه یعنی ) یلدیرم بایزید) خان حضرتلری+نه
التجا ایلدی و تیمور بونلری یلدیرمدن دخی استدیسه ده (اعلم ایهاالكلب
العقور الموسوم بالتیمور) مقدمه+سیله جواب رددن بشقه بر شئ آله+مدیغندن
و كتدكچه كسب اشتداد ایدن مخابرات محاربه+یی نتیجه ویردیكندن وقعه معلومه
ظهوره كلدی و تیمور سلطان بایزید حضرتلری+نی بوزوب اسیر ایتدكدن
و دفع اولوب كتدكدنصكره قره یوسف ایله احمد جلایری ینه ملكلرینه متصرف
اولدیلرسه ده چكدكلری زحمت و فلاكتدن متنبه اولمیوب بربرلریله محاربه+یه
قالقشدیلر و (١٤٠٩ م و ٨١٢ ه) تاریخنده یاپدقلری محارباتك برنده احمد
جلایری اعدام اولندی. (بایزید) كلمه+سنه دخی نظر بیوریله